一封要我刪除產品試用既e-mail

首先... 多數來看我這篇長長的純文字感想。

2年前開始迷上左睇美容網站,
不論係yahoo, ella, ztyle, sina, BE, hkcosme, BL,FnB..
以及好多好多唔同既用家分享...
好多都好專業，好吸引。 認識左好多唔同既牌子。
老實講，睇得多，真係好有衝動去買... 事實上.. 亦都因為咁.. 我買左好好好好好多野... (哈!!)
(大B, 雪花秀, Clinique, prosays.. 等等.. 以前都唔係我選購既範圍之內，但原來都係好出色既產品。)

就係呢個情況之下，我2年前就開始將自己個blog轉營
我都希望將自己試用左既產品同朋友仔網友仔分享..
都希望成為大家既一份子...

承蒙各網網同唔同廠家既支持... 有機會參加唔同既產品試用、招待會、聚會等等..
當中認識左好多唔同既beauty blogger, 真係好開心，見識多左好多..
亦都係沈悶既生活入面，得到好多好多樂趣.....

有好多網網，係自己既站內都建設自己既平台，
俾blogger直接係自己平台入面分享自己既試用心得
所以我除左係自己個blog (xanga)入面分享之外，都會copy一份去唔同既平台
我都明白，有幾個網網為左爭取唔同廠家既廣告同試用額，
對blogger係其他網站參加既試用都唔希望係自己既網入面出現
所以其實好多blogger都會以「字號」表示,,, 雖然..大家都明白呢d代號係邊個網站。
我亦都同好多blogger一樣，都希望試完一件產品，寫下一大篇心得，放係多d forum/美容網
同多d人一齊share.. 自己寫既野，有多d人睇到，即使回應不多，都係寫落去最大既動力
呢一點，我諗係好多blogger都會認同既。
除左自己個blog同本身試用網之外.. 其他網網既平台都係以「字號 i.e Z網 x 品牌名」形式發表
好多好多網網既平台都係接受既。

今日... 突然收到一封某大網站既電郵..
「利用其名下既Blog發佈其他美容網誌網站之 試用活動之分享文章，此舉侵犯了於本網站舉行試用活動之客戶的利益，並影響了本網站及各blogger於其網所能獲得的試用機會。假如各位已於blog內 或討論區內發表了相關文章 (不論有沒有提及該美容網誌網站)，煩請各位將之移除。」最 後...亦都有列出某某網既全名...

唔知有無其他blogger收到呢封e-mail (好明顯唔會係得我一個咁..)
不過睇到呢封e-mail... 都真係幾唔開心..
首先.. 無論係邊個美容網，我都無提及參加網站既全名或者連結...大家估到，係因為大家聰明
第2... 無論係邊個網網，都係因為覺得我原本既網網(xanga)(分享得唔錯.. 先一開始發出遫請...
第3... 留唔留得住個blogger，都好睇本身網網有幾有吸引力..有幾多活動(來自品牌又好, 來自自身網站又好, 來自blogger之間都好).. 同埋有幾多人願意去分享..
第4... 如果我係品牌廠，我會揀個warm既美容網，d會員係積極分享，討論氣氛強烈既，活動形式新鮮...價錢當然係另一個考慮因素.. 

如果係一個有實力, backup強, 得到bloggers支持既美容網網..
應該係可以接受到良性競爭，唔開試用網站既全名/連結，我覺得問題唔大..
大家都只係分享.. 產品係好既就好, 有缺點要改善亦都唔會隱瞞，
覺得平平無奇就平平無奇.. 呢D都係作為用家既心得...

但E-Mail內寫「(不論有沒有提及該美容網誌網站)，煩請各位將之移除」
「此舉侵犯了於本網站舉行試用活動之客戶的利益，並影響了本網站及各blogger於其網所能獲得的試用機會。」

我唔認為blogger只會參加一個網站既活動。呢個「此舉」係擔心品牌唔搵佢多d...
咁該網站似乎要檢討一下掂解自己唔夠競爭力，據我所知佢地似乎流失左唔少既blogger...

有d人或者認為，既然該網既規定是如此，參加得就該如此跟從。
無錯！！ 我都係一個守規則的好孩子...
發表過既文章... 我只會刪除其他網既「字號」... 唔會刪除文章
如果該網想自動來刪除的話.. 就由它吧..
日後我的試用文章也不會在該網內分享, 
如果仍有幸收到該網的邀請試用的話... 亦只會在該網及我自己的網內分享..
我也要保護其他美容網的客戶利益及其他網得到該品牌的試用產品機會。
這是我對此電郵所可以做到的回應！