肌之子麥子肌植物胎座美肌飲料

麥子肌植物胎座美肌飲料  -- 一個頗有新鮮感的美肌飲料產品

不再是提倡膠厚蛋白、Vitamin B... 而是用到胎座

但令人放心的是 ─ 麥子肌是用到植物胎座，而非動物胎盤

說到動物性胎盤(包括人類)是含有豐富營養的產物，早在千多年前的醫書已有記載，用以入藥。貓狗甚至生產後會直接吞吃自己的胎盤用以進補。 但動物胎盤的美肌醫藥用途雖然高，但帶有高風險的病毒、過敏成份、衛生及倫理道德等問題。 

 

而肌之子所用到的是黑麥的植物胎座

 

位置在於麥子的底部

選用黑麥的原因是基於黑麥的耐寒性，能於惡劣環境下都可以茁壯成長， 其生命力及營養價值非常高。

每盒麥子肌有10枝，晚飯後飲用每天1枝。 

 

每枝30ml麥子肌均含9000mg植物胎座成份。 

 

而每枝產品都均有過期日。 

 

產品味道 -- 初時感到怪怪的，有很強的巨峰提子帶小小酒粕的口感

飲過幾枝習慣後就比較易於入口。 

 

連續飲用2個多星期

乾燥感少了，處於乾燥天氣之下，底妝也不易脫色，補妝也沒有乾紋出現

。 

表面變化不是太大，但一做skin test就一目了然

 

面頰水份由26% 提升至64% 

不是說用過產品後即時測試，而是經過18天之後的測試結果

相信是保持一定狀態而非一時的結果

結果令人滿意！ 

 

Bella 提昇美肌療程

2012年11月係Bella科學美肌中心31週年紀念

我係facebook有參加bella既祝福活動

2013年1月初就收到通知話我係其中一位幸運兒

得到佢地一次既美肌療程同精華1枝

其實我好少去美容中心做facial，一來唔想俾人hard sell，二來唔想永無止景咁買course，所以我鍾意去大牌子既skincare公司，好似Shu、IPSA、Origins核下有美容房既地方book facial，唔會sell買幾百次之餘，有d仲可以redeem產品走！ 

今次我都係第1次去呢一種類既美容中心

老實講！ 我已經有被sell既心理準備...哈哈... 

 

我今次去既係九龍灣分店

好近地鐵站

3:10pm左右去到.. 由consultant Angela同我做一個好簡單既皮膚分析、介紹一下一陣我做既facial為提昇為主，入到房大概3:20pm左右。

 

房間好簡潔、張床仲有暖毯... 

美容師 3:30pm入到來.. 

好nice好好傾

其實全程最辛苦係佢..因為佢做每一個step都會講解一下情況

而且仲分享左生活既一d趣事

成個過程都好輕鬆... 

只係針清個一part我無咩反應... 因為要忍忍痛..唔敢放鬆！ 

過程係 

1)清潔皮膚

2)蒸氣磨沙

3)按摩肩膀 

4)針清 (小小修眉)

5)按摩面部提昇輪廓  (按完一邊面，美容師有俾鏡我睇，2邊面真係好唔同。美容師話我面部有d淋巴位置塞左，所以按上去我會覺得冤冤地，另一邊未按既位置就浮腫d) 

6)倒膜敷mask

7)按摩手及前手脾

8)爽膚面霜

由到至完成岩岩1.5小時

美容師真係好好人好好傾.. 佢話今日俾唔到時間我relax去訓，因為我第一次做，佢都要不停咁講解每個step，另我明白佢做緊d咩... 如果我日後有機會再做，就可以relax下。 

呢樣我都好appreciate，因為咁我先了解到個個情況係做咩... 有咩好處.. 真係辛苦哂佢！ 

走既時候，receiption姐姐問我有無興趣聽course.. 我好老實講暫時未有.. 簽左名就可以走了！ 

過程係..無sell.. 真係有d意外！ 

令我對佢地印象分加唔少... 

因為今次真係純enjoy佢地既服務，而且令人十分滿意！ 

如果日後我要join course，Bella一定會係我首選！ 

 

仲有帶走一枝精華

係按面同敷面時，美容師都係用呢枝，仲用左半枝。 

Consultant 姐姐就話叫我係屋企早晚用，用多小小都唔怕.. 

針清後額位置都留左唔少戰績.. 哈!! 

不過包包面即刻修左。 

如果有朋友真係都得到呢個獎品，真係要好好去ENJOY一下！ 

美白小小"心得"

有所謂一白遮三醜。
但掂先叫白？ 黑人黑皮膚咪一世都唔會白？ 唔通要好似米高咁全身漂白先叫靚？ 咁我反而覺得仲係黑人既米高靚仔好多！

我既美白小小「心得」 --
唔係真係話皮膚白就係靚，白到無血色真係好難睇！
唔係話黃種人唔夠白人白就一定要去漂、要不見天日！
反而我覺得「美白」係掂去提升皮膚既光澤感同均勻度，令人睇上去覺得膚色係健康，而唔係有好多點點斑紋同膚色不均勻既情況。

其實好多時，都係可以由好細微既事開始做起。

其中一樣就係每日吸收Vitamin C & E -- 呢個組合係對身體最有效抗氧化同提升防禦能力既方法。

我自己就習慣每早飲一杯有1/3檸檬片既暖水 (不加糖)，令枯乾左一晚既身體一早吸收到水份同檸檬既Vit. C (檸檬亦有美白成份亦係眾所周知既事)

早餐之後就會再食一粒Vitamin E + 一粒月見草油丸。

其實月見草油丸都係我意外發現對皮膚美白有幫助既小幫手。 本身月見草對女生身體有好處，可以幫助舒緩經期不適，亦有潤膚、改善乾燥既功效。
食左4個月，我每日只食1粒(經期不適不是嚴重既人)，但真係可以完全改善到，而周期帶來皮膚問題「暗瘡」改善得最明顯... 杜絕左每個月都有幾粒「暗瘡」問題之後，皮膚整體好左好多。

其實就係咁簡單，已經可以改善到皮膚狀況！ 只要係皮膚狀況好既時候，外在再用美白產品，先令到皮膚容易吸收。


外在方面，每日3-step清潔爽膚潤膚絕不可少。

但每星期最少一次既深層清潔更唔可以偷懶。 我自己就鍾意用handybio既deep clear ex導出皮膚既污濁物、殘留係皮膚東東... 通通導出來，用左1年，黑頭粉刺少左好多。 皮膚乾淨左。

之後就係每個星期用2-3次既美白按摩面膜。
我用開2個不同品牌：




1. Sofina alblanc美白按摩面膜
2. Racinne 水漾亮白面膜

2個產品都可以邊沖涼邊用，敷上3分鐘之後，再配合按摩，令血液循環，加速新陳代謝。 Sofina那枝可以日日用，而Racinne因為係這高濃度產品，每星期只會用2次，但如果一星期連用5日，可以達到急救美白亮肌效果，當然唔到曬乾情況都唔會咁用！

最後每日外出都要做足防曬，因為太陽永遠都係最傷害皮膚既天然產物！

總結，我的美白小小心得 --
在內要吸收Vitamin C & E 加上月見草油丸，給整個身體抗氧化及提升防禦能力。 在外要清潔皮膚、深層去污去角質，提升皮膚吸收能力！ 再用美白按摩產品加速新陳代謝，以達到肌膚亮白，膚色均勻健康。