今日同朋友出咗旺角去完花墟，喺附近見到一間西餐廳門面都幾靚，我哋就走咗入去食晚餐，原來係一間食地中海嘅餐廳。
入面裝潢比較昏暗，有情調，以木傢俱為主，牆上有航船圖側，燈飾比較歐化，有舊西方航海風格。
我揀咗set dinner 有前菜湯主菜甜品同餐茶。
前菜係黑椒半燒薄切鮮吞拿魚
好靚既一份沙律
四片薄切鮮吞拿四邊燒過，洒上黑椒，跟平時吃刺身感覺截然不同，更香口，鮮味迅速擴散於口內。 平時對吞拿魚刺時興趣不大的我，唯獨這種燒過的吞拿最令我垂涎。
意大利鮮牛肝菌泡沫鮮忌廉湯
吃過沙律，喝口湯。
牛肝菌味道濃郁，忌廉湯底很滑，初時奇怪掂解好好好細碗，飲落先知，原來份量剛好，再大碗小小就會覺得膩，打成泡沫的忌廉湯，口感更rich。
碳燒西牙極黑豚架佐無花果肉汁
主食是黑豚架，厚切，肉質比較結實，無花果汁酸甜酸甜，令人開胃。
伴碟的薯角茄子原味無添加，更有一小顆無花果，更顯味道清新！
通常食完一大塊肉都食覺得好飽好膩，但呢道菜巧妙之處在於醬汁，令我吃完沒有膩滯感覺，肉汁味繞舌，如果塊豚架可以再鬆軟多一點就更完美啦。
最後我點了杯熱檸檬茶
冷冷天氣喝口熱茶
人都特別和暖
跟餐的甜品是芝士蛋糕
小巧一片
不太甜，味道剛好
朋友點了蘋果批
比較傳統的批型，蘋果肉微酸
配雲尼拿雪糕
奶油味道令口感更濃郁
吃完聊了一陣子
外面進來的客人都包裹密實
顯得這裡更和暖舒服
去完花墟，又多一個落腳點
