由羅湖去呢個渡假村要大概3個多小時車程
我地當然係跟團啦！
成團人有4X幾人，都幾full
不過大部份都係一班人去，其中有一個單位係 20人既
大家都係好大隊人
可能就係因為咁！
我地一行6人，竟然可以自己獨立坐一圍台
6個人食10-12人份量既野
即刻覺得超級抵！
首先我地出發到中途食左個lunch
9菜1湯白飯任裝
--條魚好好食，好鮮好滑
-- 個湯係雞湯，又係好鮮味
-- 其他菜都ok
之後直接去到溫泉區
我地住地下... 見到平面圖右下角既3間房...
房間都幾大，而且夠光
最不足係toilet洗澡位置唔係玻璃門，每次洗完都成地濕哂
房外小庭院都好靚
房窗外就係溫泉區入口
感覺真係好似係深山入面...
仲要經過一片竹林...
而金龜溫泉既特色就係 池中池 ... 溫泉池 建係 河花池入面
而且四周都係用金龜做雕塑
成個環境都好令人relax...
渡假村外係一個小湖，有小木筏可以遊湖
仲可以安安靜靜咁坐係小搖椅上面吹吹風，賞賞湖
搖椅既另一邊有一顆大樹，上面掛左d油紙傘
好靚 ....
無聊既我.. 就想試下拉唔拉到一把~~~~~ (粉無聊的人!!!)
假日如果可以成班去泡溫泉，真係好舒服！
沒有留言:
張貼留言