寬別10年既上海 (1)

失蹤左差唔多一個星期，其實我係去左上海..
今次係為左公事,,,去左幾日上海參加展覽會。



今次坐既酒店叫「格林豪泰」，全國有400幾間
係一間商務酒店，都幾乾淨



外面既風景都好平民化



今次真係見識到外國人同國內同志唔同既飯局..

第1晚我地同一個好熟既工廠食晚飯
初時以為得幾個人，掂知原 來係成圍台...
擺到成圍冷盤、熱菜... 國內工廠講既都係氣 派..
飯桌上大家都係到講廠與廠之間既事..

第2晚，我地約左另外2個外國客去左南京路步行街逛
之前 我地係佢地酒店等
外國客住既係5星級，真係唔同D

因為要等佢地成大半個鐘，搵到機會就影下相
酒店內有好多花花佈置





係佢地酒店門口影張相當住過啦~ 成千幾元一晚咖
出面個View都唔同d..


後面有好多係政府機構..



附近有藝術中心



仲有個大廣場~



外國佬一離開展覽會就同我地講，唔想再講公事
要relax下~~
果然成晚，我地都係講講笑，
食飯食雪 糕... 上海既小販都好利害..
有個賣錶既男人，一直拉住我地個客講講講..
而且係好流利既英文~~ 勁！
離開南京路已 經係10pm.. 真係好累，而且好難搶的士！



第3日下午，會展終於結束..
有一整個下午，我就成機去左探我阿婆..
我已經10年無返過上海... 我既婆婆，小姨一家都係上海
由我酒店坐MTR過去要50mins (17個站)..都幾耐，不過幸好係一程過
唔洗轉車~
婆婆今 年已經86歲，已經唔係咁認得人
見到佢都有d心酸，因為佢唔記得左我係邊個..
但就有一直望住我... 可能係佢既心底對我都仲有印象既
阿姨話，以佢呢個年齡，食得訓得已經係件好事..
希望婆婆開開心心.. 我下個月都仲會同屋企人再返一次上海..
下次係純粹去玩..