一來屋企無焗爐，二來買材料都幾麻煩
今日我join左之前more club搞既法式甜點活動
一早10am去左CWB煤氣烹飪中心
今日學既係... 蛋白杏仁餅 & 法式貝殼小蛋糕
原來蛋白杏仁餅真係唔係睇咁易整... 因為我失敗左
嘿嘿嘿嘿...
老師話「蛋白杏仁餅」既材料唔貴, 但出面賣到差唔多20元一塊,
原因係.... 好花師傅既時間同技巧
材料有:
糖霜‧杏仁粉‧蛋白‧他他粉‧砂糖‧色素
原來「蛋白杏仁餅」係用好多好多既糖 (60gm)...
但係老師話呢60gm砂糖係唔可以減少, 亦都唔可以用代糖
原因係.... 要利用呢d砂糖入面既水份來令到蛋白更加滑！
我地整既係士多啤梨味, 而老師就整多一個檸檬味
呢一盤盤既圓型已經係撈好哂所有野,
再用"芝"咀"芝"出來
放係室溫下30min，等佢唔痴身就放入170度既焗爐內...
呢個時間，老師已經整好左佢個份
我覺得最難係控制個"芝"咀
當"芝"一個個圓形個時... 個咀係咁漏哂d野出來..
焗好左d餅餅.. 就2個2個咁係中間芝多一層jam..夾埋..
士多啤梨jam係用軟牛油整既.. 好大舊牛油... 不過味道very good！
呢個係隔離同學仔焗好既餅餅
好成功咁見到係谷起小小
同埋個條邊邊... 老師話.. 就係貴在條邊邊
我個盤...係慘不忍睹...
唔見左條邊之餘，仲唔係太谷...而且拎起仲係淋的...
失敗既原因係... 打蛋個時間唔夠，d空氣入舷唔夠，
所以無左條邊..
而谷唔起, 係因為本身個焗爐問題...
真係好考技巧...
第二樣整既係 「法式貝殼小蛋糕」
呢個比較簡單 --
係倒膜到搽上牛油, 洒上高根面粉
再將蛋黃 + 糖 + 面粉(混入發粉) + 已一早煮好既牛油 混好...
倒入膜中 --
放入190度焗爐15-20mins ..
出到來真係好香.... 香.....香....
成堂課係2.5小時... 不過我地用左3個小時.. 哈~
最後老師有分佢自己整既俾我地食..
好味道呀
我拎左自己既回家...
家中老表食左好幾件「法式貝殼小蛋糕」.. 讚好好味.. 呵呵..
蛋白杏仁餅 .. 就一早俾我處理左.. 真係唔見得人呀..
沒有留言:
張貼留言