爽膚噴霧

爽膚產品係我每日都會用既產品， 洗完面， 上base 之前噴一噴， 令皮膚柔化；化完底裝又噴一噴做定妝， 效果一向都唔錯。

一直用開既係MAC薰衣草味既Mist, 味道非常討好， 100ml大既150元左右; 唯我唔係咁鐘意佢按壓既設計， 太過大範圍， 令按落去既力度好難控制， 噴出來既效果唔夠霧化， 有時就咁噴面會好集中係一個位置， 所以有時要噴左係手先再印上面， 其實我比較鐘意直接噴面再用手按壓面上多餘水份。 呢點會係我唔回購既原因。

今日行經萬寧見入面好多牌子都做緊75折， Botanic 係我未用過既品牌， 呢枝噴霧有150ml, 原價79元， 折左都係60多小小。用左tester,  覺得陣味道都幾討好， 而且噴咀噴出來係可以大範圍霧化個種，即刻愛上。 價錢平， 味道好，技術上又達到我要求， 真係揾唔到理由唔買。